مہاراشٹر انسداد دہشت گردی دستہ نے اندور سے ایک مشتبہ نوجوان کو لیا حراست میں

مہاراشٹر انسداد دہشت گردی دستہ (اے ٹی ایس) نے مدھیہ پردیش کے اندور شہر سے ایک مشتبہ نوجوان کو حراست میں لیا ہے۔ اے ٹی ایس ذرائع نے بتایا کہ کل رات مہاراشٹر اے ٹی ایس کی ایک ٹیم نے كھجرانا تھانہ علاقے کی خضرآباد کالونی کے ایک مکان پر دبش دے کر جادل پرویز نامی نوجوان کو حراست میں لیا ہے۔ جادل بنیادی طور پر اجین کے ناگدا علاقے میں واقع انهیل کا باشندہ بتایا جا رہا ہے۔ وہ تقریبا ایک ماہ سے



زیادہ عرصہ سے یہاں اپنی بہن کے گھر رہ رہا تھا۔

ابتدائی معلومات کے مطابق اے ٹی ایس جادل سے 2016 میں ممبئی میں درج ایک کیس کے سلسلے میں پوچھ گچھ کرنے پہنچی ہے ۔ فی الحال اے ٹی ایس جادل سے اندور کرائم برانچ کے دفتر میں پوچھ گچھ کر رہی ہے۔ ذرائع نے بتایا کہ جادل ملک مخالف سرگرمیوں میں ملوث ممبئی میں گرفتار کئے گئے ایک ملزم سے سوشل میڈیا پر رابطے میں تھا۔ اس سلسلے میں جادل سے پوچھ گچھ کی جا رہی ہے۔